Sk. Mc. asmaradana
pangrasaku wengi iki
amung sira ing panetra
yo mung kasih sanepane
coba kae angrungokna
sang candra uga nyapa
atiku samya kadhuwung
kangenku tanpa upama
Sk. Mc. maskumambang
yen kelingan pangrasaku kudu nangis
mring janjimu nimas
tinemune anyidrani
jro tyas anandhang dhuhkita
Sk. Mc.mijil
luhuring kang kabudayan jawi
iku kang mangkono
migunani tumrap bebrayane
tata krama iku den nastiti
murih bisa becik
manggon urip ipun
Sk. Mc dhandhanggula
dedalane ngudi ilmu kuwi
ghedekena rasa tanggung jawab
ngerti marang kwajibane
taberi lan tuwajuh
tekun teken tekan sedyeki
sabar tulus iklas
panarima nipun
dadya janma kang utama
kang piguna tumrap bangsa lan negari
sembada kang sinedya
Sk. Mc durma
para mudha tumindaka kang utama
dur goroh den singkiri
pitutur utama
prayoga den estokna
tumindak kang sarwa becik
mungguh agama
lan kabudayaneki
Sk. Mc sinom
wanita kang wus kautaman
marang bangsa lan nagari
nduweni tekad kang mulya
merjuangake pra putri
wanita kang sejati
ngujudi pakarti luhur
luhur marang negara
dhuh raden ajeng kartini
sira pranyata pahlawaning wanita
Sk. Mc gambuh
Setya marang ywang Agung
Kudu bisa duwe watak luhur
Sarwa uga bisa nembah lan nyawiji
Uga dadi wong kang jumbuh
Utamane wong kang anom
Tidak ada komentar:
Posting Komentar