puisi

tresna berkahing sang kuasa

Sekar tinabur rengsemake netra

Angin sumilak nentremake dhadha

Duh biyung,

Kawula kesengsem marang wanita

Donya rinasa surga

Ketaman panahing dewa

Langen ing toya asmara

Ah, tresna

Berkahing Sang Kuasa

 

sepi

ing wengi kang sepi

ora ana panggonan sing kaya iki

malaikat pada jejogetan

demit pada gegojekan

amung ana tangising ati

ora ngerti apa sing dienteni

ora ngenteni opo sing dikarepi

getih ireng deres mili

blas ora ana sing keri

ing wengi kang sepi

ora ana panggonan sing kaya iki

apa kowe ngerti ana ngendi?

tak parani tak tututi

kabeh mati

s  e  p  i

sepi    sepi

s  e  p  i

sing mbangeti

lan

s  e  p  i

            s  e  p i

                       m  a  t  i

             s  e  p  i 

s  e  p  i 

 

ya mung sliramu

dhuh cah ayu...

panah asmara nunjem dhadha

dak jaluk...dak pinta sraya...

haywa kajebel sadawaning yuswa

wani bela palastra   

lamun sira murca saka ing wananing asmara

dhuh cah ayu...

ngertenana

tresnaku kadya bagaskara

kang tansah setya marang manungsa

cah ayu...

                                                                  ya mung slirahmu

kangen

katresnan iki katresnanmu
katresnan saka swarga
kang kudu tak reksa lan tak jaga
angin wengi iki
alus tumiyub angusap rasa
rasa kangen jroning dhadha
nanging sukma iki isa apa?
angin kumrisik bebisik
kapan sliramu teka
    

pepujaning ati

ayumu antuk listyaning sekar
jenar kadya angsana mekar
bungah kagawa braja
yasa ayem ing rasa

ayumu gawe tangising kartika
disingkiri jaya kusuma
kang arum sajroning grana
mudal tresna ing jero dhadha

cah ayu....
kancanana sukma iki
sinau bab katresnan sajroning ati