Duh . . . .Kanjeng Nabi (Muhammad SAW)
Reroncening mutiyara iki
Kaaturake marang panjenenganipun
Pancen gedhe kanugrahanipun Gusti Allah
Kang nyiptaake manungsa kang pinilih
Pinilih dadi arum gandane
Lan endah awit kamulyan
Panjenenganipun minangka lampu
Uga rembulan kang sumunar
Kang bisa gawe padhange pepeteng
Tumrap wong kang golek kabecikan
Katresnaku marang priyagung kang luhur iki
Lan rasa kangenku
Namung bisa ngrungokake sifat-sifat sinebut
Sarwa endah. . .sarwa mulya. . .
Duh. . . Rosullulah, . .
Namung sholawat ingkang saget kaulo aturaken marang paduka
Mugi paduka kersa rawuh ing sajroning ngimpi kula
Lan syafaatipun Paduka
Ingkang kaula tengga
Minangka sampun wekdalipun
Ing ngarso Gusti ingkang Maha Agung
Aan nur cahyo
( Ibu )
Hambukak sulistyaning kang bisa sinawang ing mripat
Kang mengku kaendahan
Uga kaeokan
Kasampurnan kang endah
Ora mung gumantung ing sinawang mripat
Ananging uga jroning qolbu kang uga endah
Sifat lan tumindhak
Kang pituladha marang putra
Saka wulan tumekaning wulan
Dilakoni anggone ngandhut
Tekan titi wancine arep nglairake ana ing donya
Murih rasa bombonge
Metune jabang bayi ing donya
Kairing rasa kang laraning lara
Ananging rasa iku kabayar rasa bungah lan sumringah
Awit metune jabang bayi kang kapinginake
Duh Gusti . . . .
Mugi Paduka kersa paring ngapura marang ibu
Paring welas lan asih marang panjenenganipun
Ugi paring pangapuro kaulo
Ingkang ngantos titi wanci menika
Dereng saget ngaturaken kabungahan
Marang panjenganipun
Aan nur cahyo
S I R N A
Lara rasaning ati
tumetes luh ing pipi
nyawang lungamu
Dhuh wong manis
Aku ora ngira
yen ta sliramu
sacepet iki kapundhut Kang Maha Kuwasa
Sanadyan sliramu wis sirna saka netra
ananging tresnaku cumanthel selawase
wewayanganmu tansah kumlewa
sliramu ora bisa kaganti dening liyan
Dhuh wong ayu
entenana tekaku
aku bakal nyusul sliramu
ing lawang kaswargan
mbah nindra
Negaraku
Najan wus suwidak pitu taun lawase
Nagari iki mardika, uwal saka kaki tangane penjajah
Suwidak pitu taun lawase
negara Indonesia madeg
minangka praja mandiri tan kinomandho bangsa liya
Jebul akeh para durjana sumliweran
ora mokal dene
akeh warga kang uripe adoh saka kamukten
adoh saka kamulyan, karaharjan, lan katentreman
Semono uga para nayaka praja
tumindake murang tata
jejibahan wurung ing kanyatan
Lamun tangeh bisa kalaksanakan
Wewaler, sumpah setya ora direwes
kapitayan kang diemban kapara kaslewengake
Dumeh nduweni pangkat drajad dhuwur
mung nuruti kareping pribadi
Ya wis mangkene iki
kahanane negaraku
negara loh jiwawi nanging ora nguripi rakyate
kang tansaya suwe tansaya nelangsa
mardikane among ing salembar kertas
mardika kang satemene during bisa dadi kasunyatan
mbah nindra
Tikus-tikus katon golek pangan
Nggrogoti pilar-pilaring nagari
Rijik-rijik ngatur barisan
Bareng-bareng nutupi lan nyangga wirange
Tikus-tikus ngadek jejeg nganggo dasi
Katon gagah lan wibawa
Tikus-tikus kang dadi punggawaning nagari
Amung bisa kroyokan batang panguasan lan jabatan
Rayap-rayap sadumil dumil
Tansah melu ngrikiti cagak kang ngadek jejeg
Lewat urat-urating kayu nagari
Nambahi wiranging bangsa
Wong cilik amung dadi dingklik, teklik lan ancik-ancik
Duh, , Gusti
Nagari sansaya rugi
Tikus lan rayap dadi panguwasa kang balela
Dening : ARI MARGIYATI
Sastra Jawa UNS
TRESNA KANG CIDRA
Rina wengi tansah tak anti-anti pepujaning ati
Rasa tresna welas asih iki datan kendat marang sliramu
Sliramu uga mengkono marang ingsun
Yen bengi tansah ngebaki impen
Janjimu kang bakal urip sesandingan
Sesandingan nganti kaki nini
Tuturmu mangkono kuwi ngayemke ati
Nanging ora ngira
Barang saiki sliramu cidra
Tembung tugur sagunung-gunung ana ing lathimu
Amung dadi sumyur, tan ana bukti
Trenyuh ati iki, nyawang sliramu nyanding karo wong liya
Laraning ati amung dadi coba
Kang bakal tak lali-lali
Dening : ARI MARGIYATI
Sastra Jawa UNS
Ing wengi kang sepi
Ora ana panggonan sing kaya iki
Malaikat pada jejogedan
Demit pada gegojegan
Amung ana tangising ati
Ora ngerti apa sing dienteni
Ora ngenteni apa sing dikarepi
Getih ireng deres mili
Blas ora ana sing keri
Ing wengi kang sepi
Ora ana panggonan sing kaya iki
Apa kowe ngerti ana ngendi ?
Tak parani tak tututi
Kabeh mati
Sepi
S epi sepi
S e p i
Sing mbangeti
Lan
Sepi
Sepi
Mati
Sepi
Sepi
Mocil
Surakarta, 25 April 2013
Dhuh cah ayu…
Panah asmara nunjem dhadha
Dak jaluk..dak pinta sraya..
Haywa kajabel sadawaning yuswa
Wani bela palastra
Lamun sira murca saka ing wananing asmara
Dhuh cahayu…
Ngertenana
Tresanaku kadya bagaskara
Kang tansah setya marang manungsa
Cah ayu……
Ya mung sliramu
Mocil
Surakarta, 25 April 2013
BRANGTA
Cahyaning rembulan ing awang-awang
Lan lintang sumawur aneng tawang
Lowung kanggo kanca rowang
Rikala ati karoban kapang
Jeng....
Wengi iki aku nggegurit
Rasaning ati kang lagi njerit
Tinimbang ngigit-igit
Ing pangrasa kaya rinujit
Jeng..........
Ya gene kok singidake esemu
Wis suwe anggonku nunggu
Siyang pantaraning dalu
Mung esemu kang pait madu
Jeng...........
Wohing kamal saupama
Esemmu kang maweh brangta
kang ngleledha jroning rasa
---kang Tedjo Nugroho---
Layang kanggo Gusti Allah
Dhuh gusti……..
Kados pundi anggen kula ngudari
Reruwet sajroning ati
Anggen kula ngrasuk agami
Wiwit ngarep Mangkunagaran
Nganti tekan Kenthingan
Kaya-kaya ora entuk dalan
Ngilangke rasa kang gegrundelan
Dhuh gusti kang Maha Mulya
Dhawuh suci paduka kang utama, nanging
Napa kula kedah nilaraken budaya
Kang dados jati dirining bangsa
Dhuh gusti kang Maha Welas
Sangsaya kathah tiyang ingkang ngestokaken dhawuh paduka
Nganti rumangsa entuk kaplingan swarga
Wenang mutusi endi suwarga endi neraka
Akeh kang durung pecus kesusu keselak besus
Prasasat wis duwe gaman kang bakal diunus
Adeg paheman kanggo ngumbar muwus
Jare tapsir dhawuh pengeran
Ning sedyane ngrusak kabudayan
Kang manut dijak kekancan
Kang ora manut jare setan
Kirim donga marang simbah
Lha kok jare malah bid’ah dholalah
Ngguyubke tangga kanthi rasulan
Jare malah balane setan
Nganakake bersih desa
Jare malah dadi muspra
Dhuh gusti kang yasa alam donya
Ing pangajab kula tansah ngestokaken dhawuh paduka
Nanging bote nilar budaya jawa
Paduka kang maha kuwasa, lan wenang amisesa…….
Allahu akbar………….
---kang Tedjo Nugroho---
IBU
Ibu…
Nyuwun pangapunten…
Aku ora bisa nyenengake panjenengan
Uripku mung saya nglaraake manah panjenengan
Ora bisa nuruti karsamu
Ibu…
Lungaku ora merga lali
Ananging arep gayuh kamulyan
Adoh panggonku cedhak atiku
Ora bakal ilang ing pikirku
Pahlawan ing atiku
Ibu…
Mugi pangeran paring keslametan marang ibu
chintya
TANGIS
Yayi……
Enggalusapenluhmu
Sing tansahtumates
Nalika
Kudu ngliwatidalamrumpil
Sebab
Geguritanalam
Ngelingakekewajibanuripmu
Sing kudu tansahkaayati
Ajakesuwensedih
Mudhakoraprayoga
Mangertia
Sedihikusejatine
Ugarahmat
Yen titiwancinekebungahanteka
Sliramubakalsumurup
Chintya
Ibu…
Ibu…
panjenengan pancen wanita ingkang suci
Tulus anggenmu ngabdi
Marang garwa lan putra-putri
Ibu tresnamu marang putra sundhul wiyati
Sanadyan to aku nakal ibu tetep tawakal
Ora sambat…
Ora pegat…
Ibu…
tresna asihmu ora bisa kawales
Sanadyan diijoli yatra mayuta-yuta
Diijoli sakabehe bandha dunya
Merga saka luhure pangabdenmu
Ibu…
kula namung saged ndonga
Mugi pangeran paring ridho
Anggenira ngabdi marang garwa lan putra
Sahingga bisa dadi sangu
Tumuju gesang ingkang langgeng
Saged nggayuh swargane gusti
Dening Dwi Lestari
Jurusan Sastra Jawa, semester 4
FSSR UNS
Katresnan kebak coba
Kangmas…
Aku tansah enget
Nalika sepisanan panjenengan dolan ing griya
Panjenengan katon lugu nanging ora wagu
Sampeyan janji marang bapak ibu
Ing tembe bakal mundhut garwa aku
Nanging…
Kekarepanmu…
Ora disarujuki dening ibumu
Sampeyan diutus milih
Antarane aku utawa ibumu
Sabanjure panjenengan milih aku
Ibumu banget nistha marang sliramu
Ibumu minggat njaluk bagian bandha dunya
Sakeclapan…
Bandhamu ludhes…
Modhalmu ambles…
Kangmas…
Mungkin iki pacoban saka gusti
Amrih aku isa tresna sliramu kanthi tulusing ati
Nganti teka mati
Ora amung jalaran bandha arupi
Sing wis ya uwis
Ora usah digetuni
Becik kita nata awak pribadi
Kanggo ngadhepi urip ing jaman saiki
Bisa mbuktikake marang ibu lan rama
Menawa kita bisa
Mujudake kulawarga
Kang pantes digunggung wong tuwa
Kulawarga sakinah mawadah lan rahmah
Diparingi kemirahan rejeki dening gusti
Minangka tandha asok bulu bekti
Marang ibu lan rama sedaya
Dening Dwi Lestari
Jurusan Sastra Jawa, semester 4
FSSR UNS
Lakon manungsa
Mall-mall gedhe dadi panggunge
Sing duwe blanja sakpuase
Sung kere amung bisa mlongo
Ngenteni kapan bisa mangkono
Kene kono isine barang mewah
Arep tuku ora merga wegah
Neng rega kok ora lumrah
Apa ngene nasibe wong ora duwe
Saben dina diece kancane
Kepriye arep blanja?!
Kanggo mangan wae rekasa
Sejatine urip ing donya
Ora prelu ngoyak bandha
Sawayah-wayah bisa sirna
Sing penting bisa nrima
Akeh sithik disukuri
Apa wae paringane Gusti
Erma, Karangreja 24 Januari 2012
Piweling Wong Tuwa
Cah ayu
Ngati-ati nggayuh ngelmu
Urip iki ora gampang
Kudu olah ati sabar
Yen lungkrah ragamu
Yen kesel pikirmu
Niatno kabeh
kanggo wong tuwa
lan ngabekti marang agama
ngger, cah ayu
dadio wanita kang tata
ati-ati njaga awak
kareben ora rusak
jamane saya edan
lanang wadon gonceng-goncengan
ora ngira ana setan
banjur keblabasan
sing rugi sapa?!
Rak ya kaum wanita
Mula den ngati-ati
Aja dadi gelaning ati
Wong tuwa mung bisa dedonga
Muga gegayuhanmu
Bisa kaleksana
Dadi wong mardika
Migunani agama lan nagara
Erma, Karangreja 24 Januari 2012
Katresnan Pedut
Sliramu kang ambngun katresnan iki
Agawe tresnaku saya gedhe
Lan agawe krasa luwih entheng anggonku ngadhepi dina-dina iki
Sliramu kang ngayomi ati iki
Gawe tentrem ing sajroning ati
Ananging ora kanggo saiki
Sliramu ngerusak angen-angenku
Ngerusak cita-citaku, ngerusak pangarep – arepanku
Jebul katresnanmu koyo pedhut seng bakal e ilang amarga sang surya wiwit sumunar
Ora krasa eluh netesing ing pasyuryanku
Sajroning ati iki krasa ora trima
Rasane kabeh wes ora ono guno
furqon
Dongaku kanggo tresna iki
Donga iki kanggo sliramu
Kanggo rasa trensaku lan rasa tresnamu
Rina wengi tansah sujud marang gusti Allah
Anyuwun mugi dipun paringi dalan padhang
Pengarep –arepanku dining sliramu dados tresna sejatiku
Lan saged dados pituduh kanggem dalan urip iki
Rasa syukurku marang gusti Allah
Kang maringi rasa tresna iki
Kang agawe tentrem ing ati
Muga gusti tansah maringi dalan kanggo aku lan sliramu
Furqon
Nimas...
Nimas..
Apa sliramu ngrasakake apa sing lagi dak sunggi..
Apa sliramu ngerti kepriye rasaning ati kang ketula-tula iki..
Rina awan rina wengi, tansah dadi gegembolaning ati..
Rasa sing dak sunggi iki ya rasa laraning ati..
Nimas..
Semana uga rasaning atiku..
Mung tansah ngerteni sliramu..
Ananging sliramu ora ngerteni apa kang dadi sedyaku..
Nimas..
Amung sliramu kang dadi gegathilaning atiku..
Amung sliramu kang dadi wewayanganing impenku..
Amung sliramu sing dak tresanani kanthi tekaning pati..
Dening:
Hizkia Dian Ardianto ” Ucup ”
Gusti Pangungsen Kula...
Dhuh Pangeran...
Mugi Paduka mersani nggen kula kesrakatan...
Kawula badhe mlajeng mring pundi, namung dhateng Pangeran...
Dhuh Pangeran...
Kawula pasrahaken sakehing wasumelang mring Gusti...
Kawula pasrahaken menapa ingkang dados gegembolaning ati..
Dhuh Pangeran...
Amung wonten ing ngarsanipun Paduka,
wonten katentreman, wonten pitulungan, wonten kabungahan...
Mugi Paduka kersa nglanthing kawula...
Lan amung Paduka ingkang saged ndamel ayem ing ati...
Dening:
Hizkia Dian Ardianto ” Ucup ”
Rasa sing tak pendem
Rembulane sing tak anti – anti
Ing samudra layange anggonku
Sanadyan koe amung nginadar marang slirahku
Ku tetep ngenteni marang slirahmu
Amung rasa ning ati tak puja-puja
Tresnaku marang kowe
Ora bakal luntur
Sanajan salira adoh
Nanging cedak neng ngati
Tresnaku mung kanggo kowe
Ora ono liyane
Kejobo mung kanggo
Awakmu Nanging
Enggale suwe banyu sinaring
Kaya agi wae
Ora krasa, amarga...
esemmu nengsemake atiku
fajar pratama
I B U
Jerite rosa pating jerit
Nalika jabang bayi nyawa
Arep lahir nang alam ndonya
Marmati oncat saka nala
Banyu kawah paring pratanda
Getih kamucur tanpa kaukur
Nadyan lara kaya ngapa
Paring nyawa saka jroning garba
Mijil ponang jabang nyawa
Linambar tetesing waspa lela legawa
Duh ibu,,,,
Katresnanmu Lir jembaring segara
Welasmu ora bisa winales kanti apa
fajar pratama
AKU
Aku mung manungsa cilik
Rambut jabrik
Awak cilik menthik
Jarene ndakik
Ora kaya kowe
Gitar cilik gawananku
Werna coklat senar telu
Kuwi ya ora tuku
Ora kaya sliramu
Saben dina mung wira-wiri
Ora cetha arep nyang endi
Ngendi-ngendi dakliwati
Uwong-uwong padha nrenyuhi
Ora kaya kowe
Bapa-biyung wis tilar donya
Kanca-kanca ora ana
Sadulur sansaya
Kabeh ora nyuwara
Ora kaya sliramu
Aku bocah cilik ontang-anting
Dina-dina aku mung nembang
Karo mainke gitar gembung
Ngalor-ngidul runtang-runtung
Wayah surup lagi rampung
Ora kaya kowe
Ning donya urip rekasa
Saben dina ngrangkul panasing mega
Entuk bandha ya ora sepira
Ora kaya sliramu
Aku..
Ora kaya kowe
Ora kaya sliramu
Dening: Permata Aji B.M
Jaman Saiki
Jaman saiki...........
Uwong-uwong padha lali
Marang janji-janji
Kang wus tinucap marang Gusti
Jaman saiki.............
Uwong-uwong seneng ngrangkul racun
Tumindak sak karepe dhewe
Kene kono di rusak
Sing bener dadi salah
Sing salah dadi bener
Jaman saiki.............
Wong bener tenger-tenger
Wong salah bungah-bungah
Ngibarat banyu resik dadi limbah
Elinga..............
Urip iki mung mampir ngombe
Aja mikir wudele dhewe
Aja gawe peteng sumunare srengenge
Dening: Permata Aji B.M
Cah Ayu
Cah ayu.....
Apa kowe ngerti
Ati iki rasane ngrembaka
Kaya tetanduran kang padha jejogedan
Kaya taman kebak kembang-kembang kang megar
Cah ayu.....
Nalika sliramu teka
Ati iki kagawa angin asmara
Esemmu....
Ngujiwat paiting madu
Cah ayu.....
Tekamu nentremke ati
Medhot tali kasepen
Mecah petenging ratri
Dening: Permata Aji B.M
Cuthel
Manismu manis Brutowali
Asemmu asem diyu
Ayu pasuryan seje atimu
Ya, culasmu
Biyen pangiraku,
Sliramu Dewi Sinta kang njelma,
Alus, kebak tata karma
Jebul mung gawe gela,
Panas panna udan udan
Tak lakoni kanthi ikhlas
Anggonku kepengin reraketan
Jebul sliramu tanpa welas
Kadang konang
Kahanan kang kalakon
Sliramu dak anggep kadhang
Jebul aku mung bleduk liwat
Ora ndue ati tha ?
Kuwawaku ora kebendung
Tinimbang enthek nyawaku
Wis cukup anggonku kesandhung
Kowe tega,
Gawe lara atiku
Elae lelakon apa iki
Manungsa kalah karo asu
Asu wae bisa niteni
Geneya menungsa ngungkuli retune segawon
Gelaku mung semene wae
Wis cuthel
Seje kelir seje cerita
Mlaku tanpa ana awake dhewe,
Aku,
Kowe,
Dhewe dhewe
Mulyaa uriupmu, beja uripku
Matur nuwun yu..
Matur nuwun ndug…
Aku cuthel, merga gathelmu !
Pertiwi cica
Kata tela, kasatan banyu
Duh kangmasku,
Sliramu sigare nyawaku,
Aku kang nggorong katresnamu,
Kaya tela, kasatan banyu
Sih kadarmanmu tan ana cidra
Sliramu gawe asurak surak
Satemene ing kagesanganku
Katentreman naming sliramu
Ajeg bae katresnanmu
Kapangku ora kuwawa,
Kaya tela kasatan banyu
Duh kangmas,
Dadia pepadhang atiku
Sliramu kang tak antu antu
Kaya tela, kasatan banyu
Netes banyune mata
Aku nangis ora kuwawa
Tan ana ukara
Bisa gambarke kapangku
Kaya tela kasatan banyu
Duh kangmas
Agung ing katresnanmu
Kaya endahe mawar
Tansah ngreseping ati
Kamangka erimu kang baret ati iki
Dadi rasa kapangku
Tansah katon esemmu
Saya ngapangke atiku,
Kaya tela kasatan banyu
Kangmas,
Lewat angin sore,
Titip kangening ati
Saya wengi saya sepi
Saya ndedawa kangenku
Kangen
Aku kangen sliramu
Kaya tela kasatan banyu
Pertiwi cica
Pangrasaku
Duh Gusti....
Sesek dhadha iki nyawang sliramu kang wus ninggalne aku
Apa sejatine salahku iki..
Kabeh wes tak lakoni mung kanggo sliramu
Nanging apa balesanmu..
Sliramu malah ninggalne aku...
Demi wanita liya..
Duh Gusti...
Njerit ati iki sajujure
Apa iki walesan kanggo aku
Kanggo aku sing sarwa kekurangan iki
Duh Gusti...
Senadyan sliramu kaya mangkono
Apa wae kang mok lakoni
Manawa isa nggawe sliramu seneng
Aku bakal ikhlas nerima sanadyan kui lara
Lan...
Aku bakal tetep tresna marang sliramu salawase...
Ibu
Ibu...
Pangorbanan ibu kang tanpa wates
Katresnan ibu kang ora ana tandingane
Nalika atiku cidra
Ibu tansah wonten sampingku
Ibu...
Sliramu pelita atiku
Sliramu penyemangat uripku
Doa ibu tansah ngiringi dalanku
Duh Ibu...
Yoga nyuwun lunturing pangaksami
Awit namung raos cuwa,gela,ingkang saged kawula damel
Ingkang asring cumondok ing manah pun ibu
Ibu...
Welasmu ora bisa winales kanti apa
Dening : Putri Nurani Istiqomah
Nimas
Nimas,
Pasuryanmu kadya kartika
Gumrelap sajroning ati
Naging sliramu ora ngerti
Gedhene tresnaku kang sejati
Nimas,
Esemu pait madu
Tak gegem tak gawa turu
Siji sing dadi kekarepanku
Bisa nyawang sliramu
Restu sidiq arga maulana
Lawu
Langkah mlampah ing margi
Ngawit penggaweyan arga
Pasundhulan kang singep
Tan ana cahya ing lurung
Lila-lila mripat wuta
Raga iki ilat mati
Adem nyenyep tembus
Ing kulit lan balung
"Aku pengin turu"
Ananging wonten pundhi?
Napa ing jurang tampa wates?
Nora,
Iki kudu dadi akhir kang peni.
Restu sidiq arga maulana
YO WIS
Yo wis yen nora gelem
Uwes kesel anggon ku ngelem
Tak titeni wangsulanmu ya mung dalem
Saya wengi saya ndadi
Saya sepi rasane saya suwi
Anggonku lelamunan
Ngidul ngalor ngulon ngetan
sing di eling eling
nora bingung nora pangling
Solo kediri ya wus tak laju
Ra nggersula senajan boyok keju
nalika tresna nggandoli rasa
saya meksa tansah saya rekasa
duh gusti jan-jane atiku ngeman ngeman
ananging punapa njalari tuman
ngarep arep barang ilang
nora bali jan-jane ya tetep gesang
Yo wes yen nora gelem
Uwes kesel anggon ku ngalem
Tak titeni wangsulanmu ya mung dalem
Rizal kang king kong
UDUT
anggonku udut samsu
sandingku sambat ngelu,
anggonku udut super
keluk e pating kleper
anggonku udut surya
ngalih kana ing panggon liya
punapa nora trima,
wong nora nglawan syareat agama
yen keluk ku njalari matimu,tak ceceke masia dawa
yen udut ku nyudani bandamu,tak balekke duwitmu sepira
nalikane krasa sepi apa kowe tau ngancani,
nalikane lara ati apa kowe tau nakoni
yo mung udut kang mesti ana
dadi kanca nguda rasa nganti lena
nalikane aku lali apa kowe tau ngelengne
nalikane aku luput apa kowe gelem mbenerne
dalan padang ya tinemu saka atine dewe
uga tetep udut iku dadi saranane
Rizal kang king kong
Bomantaraku
Jeng...
Rasa tresna kang kepati
Tak pendem ing jroning ati
Aku wis ora ngerti mujudake rasa kang sejati
Jeng....
Apa sliramu ngerti isi jroning ati iki
Senajan arum sekar melati
Batin iki nangis ing rino wengi
Ora ngerti opo sing dak enteni
Jeng...
Senajan raga ora bisa sesanding
Nanging rasa tresnaku ora bakal iso ilang
Rizqi Miftakhul Huda
Pak tani
Esuk umun umun
Pak lan mbok tani gumregah
Lumaku tumuju tegal lan sawah
Pasuryan katon sumringah
Pak tani manggul pacul
Mbok tani nggendong bakul
Lemah dipacul supaya gembur
Ing tembene tanduran subur
Rizqi Miftakhul Huda
Sunya
Sunya ruri pepeteng anane mega,
Megananda kang ngoblah-oblah,
Obahing mangsa,
Kanthi sinebat mangsa rendheng,
Tendheng wus wanci purneng katri,
Katri ing ratri wengi kang ambrekati,
Minangka tandha brekating pangeran,
Gusti kang Murbeng Dumadi,
Dadya pancang marang sadayaning jalma,
Jalma manungsa uga ratu narendra ing bawanagung,
Satrio Panji W
Nalika Bulan Ndadari
Suka tyas ingsun
Indahing kasunyatan
Nengeri bulan nalika ndadari
Tinulis ana sumuruping candra
Anandani tresna sejati
Kasih tinemu asih
Umbara manah wus kasil
Rembulan nalika ndadari
Nengeri janji suci iki
Iya janjiku marang pepujaning ati
Anyangga suka cita ing rasa iki
Sira, putri panentreme ati
Ana lathi kaucap janji
Ratri kaiyas bulan ndadari
Ingkang nyekseni
Panyuwun konjuk
Unine bayu ngiteri
Tansah padha ngamini
Rihala Bulan ndadari
Ingsun suka nyuwun tresna iki abadi
Rahayu, rahayu, rahayu
Satrio Panji W
WUYUNG
Sekar melathi kang rinonce
Seksi anggonku ngenteni
Ngenteni sing dak enteni
Kaya mimi tanpa mintuna
Wuyung
Mung wuyung kang saya nggegunung
Runtik kang wus katitik
Sathithik mbaka sathithik
Tan bisa diowahi
Apa ya mangkono?
E lae.....
Kaya ora ana ajine
Janjane lila ning ora bisa
Wuyung jan wuyung
Ngarep apa kang ora nyata
Ning sanyatane malah ora ana
Ora ana banekke
Ora ana ambune
Anane mung bekas lan rasa
Bekas kang njalari wuyung
Rasa kang saya katundhung
Septi anggita. K
TEGANE TEDJA
Akehe nemen.......
Topeng kang kok gawe
Lan kok enggo
Ning kasunyatan ora katon becik
Siji mbaka siji kok templeki topeng
Nganti pada nemplek ing ati
Banjur ........
Banjur keli manut iline kahanan
Ora manut ya kudu kejlurut
Ning sing manut ya kudu katut
Ora ana pilihane siji lan sijine
Ngono kuwi gampang
Wong Tedja i raja tega
Tega kang ngawu awu
Ora wedi
Hla wong dikupengi gendruwo
Gendruwo kang awujud manungsa
Yungalah.....
Wong kang seneng mitutur
Malah luput anggone mlaku
Bakal tinemu cidra
Ngundhuh wohing pakarti
Tegane kowe ja Tedja
Nadyan wus tuwa
Ning kakeyan dosa
Septi anggita. K
Rembulan
Rembulanorasalawasepurnamasidhi
Wektuorasalawaserahina
Kahananingurip sing cakramanggiling
Ora bias diselakideningmanungsa
Yen lagimentrong-mentrongmoblong-moblong
Ingnalikapurnamasidhi
Akehwong sing kesengsem
Marangendahingrembulan
Pancensinawangkatonromantis
Dadikekidunganparanimpungempuningsusastra
Sartaparakangdhemen
Cecibloningjagadingrarasmara
Nanging yen wistekanwancine
Rembulanbakalsurem
Lingsirlanpanglong
Malahpetengndhedetlelimenganorakaton
Sanadyan ta mungsakalisewanita
Siti Nurjanah
Bapa… Biyung…
Bapa…
Biyung…
Apasalahanakmuiki?
Nandhangderitakangabot
KayaogunungMerapinibaniawakku
Bapa…
Biyung…
Apasalahanakmuiki?
Luhmripatiki kaya oracinandhet
Telesnlusurpipikiwatengen
Bapa…
Biyung…
Apasalahanakmuiki?
Getihkanglumakuiki
Ngebakisajroningragaku
Bapa…
Biyung…
Apasalahanakmuiki?
Akupengenngabekti
Ngabektimarangmu
MugipadhukaGustikersaanampi
Siti Nurjanah
Pitik Walik Kuwalik Walik
Pitik.. pitik..
Nyawang pitik,
saomah pitik, sakebon pitik,
salatar pitik, sakandhang pitik,
ambu telek pitik, mangan pakan pitik
pitik... pitik...
manungsane kaya pitik
pitike apa ya kaya manungsa?
adu pitik, balapan pitik
kontes pitik, majalah pitik
pitik walik, kuwalik karo pitik
lha apa ta bedane aku karo pitik??
---Aji Sura---
Sala140413
Ngangkring
anakodhokndhodhok,
methothok matane mlorok,
riris mak tis tis gawe atis,
bulan anyar nanggal sepisan,
lha kok katon rapenginngton,
jawah uga kang minangka berkah,
berkah berkating Gusti Allah,
wengi sepi karo kopi,
kopi ireng nganggo areng,
klembak menyan saududan,
sandhing embong obong-obong,
areng ireng mawa abang,
tahu tempe sate kere,
pinggir ratan ra kodanan,
rasan rasan lha kokkrasan,
nganti esuk ora tutug,
lali wayah lali omah,
nganti telat olehe kuliah
---Aji Sura---
Sala140413
Crita Tresna
Dening : Priscilya Vita R. A. K
Tak wiwiti crita iki. . . .
Karo ulat lan eseman ing njero ati
Coba rungokna swaraning atiku
Bebarengan karo angin lan banyu udan sing nyiram
Tekamu ana ing uripku. . . .
Kayadene tetesing toya sawindu
Kang ngedhemi atiku
Bebarengan sliramu mecaki dina – dina kang kebak puspa
Wis cetha atiku. . . .
Katuju mung kanggo sliramu
Aku percaya
Yen kowe isa maca tandha tresna iki
TRESNAKU SEJATI
Dening : Priscilya Vita R. A. K
Tresna iki . . .
Tresna kang tulus suci
Sanadyan siji setengah taun suwene
Anggonku ngenteni sliramu
Tresnaku ora bakal sirna
Dina – dina sepi terus daklaloni
Kanthi rasa bingung
Sewu pitakonan ing njero atiku
Kepiye saktenane rasa tresnamu karo aku
Pangarepku lan panjalukku marang Gusti
Muga – muga tresnaku iki padha karo tresnamu marang aku
Dadi tresna kang sejati kanthi saklawase
LELANGENANKU
Apa kangdadyapakuningtanahJawa
Sinebatkithapangarepingsambekala
Tresnatumampangtetesingtrenyuh
KaandhuttengahingtanahJawa
Lelangenanapaiki?
Anginlirihngiwi-ngiwi
Mbuyarakelelamunanku
Mangsateruslumaku
Nganthiimpenkudadyasarjanasujaningbudi
Nanging...
Atiikinggegirisi
Atiikiorabisangapusi
Akukangensliramu
Pangajabku,
Sliramukangdakanti-anti yayi
Yayi,
Sliramukangmenangakepatembayan
Magelangkithakukangasri
Wening Pawestri
DARA
Langit wengi muwun ing ngarsaning Gusti
Kasuwun impen ingati mugi Gusti ngijabahi
Ana ngendi lungane ati manungsa?
Ati iki wus kelangan rasa
Ya manungsa...
Urip ing donya mung sepisan
Japadha tindak kang ala
Dadya dara kang setya sedya
Kabeh iku wus kacipta dadya sugaring nyawa
Lanang lan wadon
Bapa lan biyung
Ayu lan bagus
Ajining bagus lan ayuning tyas ya mung siji
Setya marang garwa kang wus karuket dening ijabkobul
Wening Pawestri
TRESNA IKI
Dening : Wilis Subaning Tyas Wening
Tresna iki,
Kadya guritan tanpa seratan
Antenging pangandikan,
Wis nyritakakake sewu rasaning kasmaran
Asmara iki,
Kaya dene ukara tanpa aksara
Sumunaring baskara,
Kalah dening netra kang gawening ati basmara
Ora prelu wicara,
Cukup pangrasaning driya
Tresna iki,
Lir layang tanpa seratan
Kabeh pesen kang sinimpen ing pikiran,
Wis den kirimake liwat paningalan
Asmara iki,
Pindha tembang tanpa tembung
Swara ati kang mangungkung,
Wis linarasake kanthi pakurmatan kang agung
AYU KANG SEJATI
Dening : Wilis Subaning Tyas Wening
Aku pinaringan rupa ayu,
Saben dina dak pulas wedhak lan gincu
Kulitku lencir kuning,
Dak sandhangi rok mepet ben katon wening
Rambutku ngandhan-andhan,
Tak ore ben katon endah sinawang
Drijiku pancen mucuk eri,
Ben katon abyor ora tau lali dak wenehi ali-ali
Nanging aku keliru!!
Tibake ngono kuwi dudu ayu
Aku ngrasa getun!!
Sejatine ayu kuwi ora ana maring ingsun
Tibake ayu kuwi,
Dudu ayu kang dak umbar dening wong ing jaba kana
Uga dudu ayu kang mung modal rupa
Nanging ayu kuwi ana sajroning ati
Isohe merkoleh mung tansah kanthi njaga dhiri, reresik ati,
Asih marang wong liya, bekti marang wong tuwa
Ya mengkono kuwi kang diarani ayu,
Ayu kang sejati
TURI
(Tuwuh ing Ati)
Tansah kumanthil jroning ati
Rina kalawan wengi
Datan bisa lali
Duh yayi
Kang dadi pepujaning ati
Tampanana rasa iki
Rasa jroning sanubari
Tansah ngayomi
Jroning nurani
Among siji
Dudu amung ing lathi
Nanging rasa kang suci
Rasa tresna sejati
Duh yayi…
Muga bisa nyawiji
Nganti gusti nimbali
Tumekeng pati kang sejati
Surakarta, 25 april 2013. Dening : R. Yoga Asmara
(Rasa Sejati)
Netra endah kang mancur soroting tresna
Netra endah kang dadi duwekku
Saiki wes ilang sak wiring-wirang
Urip tanpa arah lan tanpa tujuan
Ati, tresna, lan kangenku
Namung kanggo sliramu
Tetesing waspa kang dumlewer
Ati legeg lan trenyuh
Nalika eling marang sliramu
Aku kang ora bisa nemukake tresna liyane
Kajobo tresnamu…
Gusti,,, ora bakal bisa sumingkir jroning atiku
Pindhane sekar melati kang mekar,
Gandane arum ambabar jroning ati…
Surakarta, 25 April 2013. Dening R. Yoga Asmara
Maruta
Sliramutekasumilirngademkedhadha
Ngayemake rasa
Sanadyantanparupa, ganda, lanswara
Bajra
Sanadyannorakatonmawisoca
Sumilakingnetra
Endahingrupa
Sliramugawemosiking rasa ingdhadha
Sajakawehpratandha
Nilargodha
Kangeningatitanpabisasuwala
Amungtansahmemuja
Sliramuenggaltanggapsasmita
Ngreksatresna
Kang wusngambraambra
Yosi
Bebrayan
Mas, slirakuwanita
Panggonkatrentremancinipta
Kaya kalanggenganingswarga
Mas, slirakunoraduwepepinginankangmanekawarna
Kajabakasetyankutimbangana
Saranatetembungankangnyata
Kaseksenanmarangwongtuwa
Mas, slirakuayomana
Ingngisorpayung
Bale somahkangprasaja
Mas, kanthinentanganiki
Tumibasungkemmarangwongtuwa
Kang dadipratandha
Sampurnaning rasa tresna
Lanajikudadyawanita
Yosi
